عبد الله البكر التميمي (ناد التميمي)

بنت الخيال أوجست بالليل ضيق تصيح يا ( إبن الحلال )

" شاعر " تعزوا له بقيفان وأوراقه مراكيـض خيـل

وإشتبت الغيرة بوسط الحشا و أبعـدت عنهـا الجـلال

قلت اركضي مع بنات أفكاري بدرب القصيـد الطويـل

البال ممحل مـن الذكـرى وعذقـي حانيتـه الثقـال

هموم .. لو تنقسم بين البشر يبقـى بصـدري قليـل

واليوم نفسي تراودني على بعـض الغصـون الهـزال

بأكسر بعضها وأخلـي الريـح تدفنهـا بليـا عويـل

وإن قالها الله بأشيد بكل صفحة بيـت مظـرب مثـال

لأجـل أتأمـل بحسـادي ملامحهـم تحـط وتشـيـل

البارحة كانت غيوم السمـاء سقـف ومطرهـا زلال

والليلة نجومها بانـت .. وبـان البـدر للـي يخيـل

كن القصايد تهادى وسـط هـودج فازعـة بالرجـال

من فوق وضحى يبان إن سوهجت بأن راعي البل دليل

يستبشر بخير مستفزع بمـن درعـه عمـام وخـوال

لامن عقـد حاجبـه فجـت بنادقهـم خشـوم النزيـل

ناد التميمـي يـرد الصـوت جينالـك نهـز الجبـال

خطواتنا لا إجتمعنا سيل مـن يقـوى يجاريـه سيـل

شيباننا من شيوخ الديـن والحكمـة وحسـن المقـال

ظل ن وسط قيص هالدنيا يظلل جيل مـن بعـد جيـل

والليل بشت السماء والريح مبخر في يديـن الشمـال

لا ذعذت فاحت الليلـة قصايـد مـن حشـاي العليـل

ما هيب لحية مشاريه وعتـب لكـن علـى أي حـال

ابن آدم يحس وإحساسـي غـدا للنفـس أكبـر دليـل

هزيت غصن الرضا .. ودي تطيح أعـذار للـي يقـال

لين إنكسر في يديني حلم .. من كان الخوي والخليـل

الصاحب اللي شرا نفسه وبـاع النـاس ليتـه ينـال

اللي سعى له مـن أول يـوم رافقنـي ولانـي بخيـل

كنه نزع من وسط صـدري غـلاه وذكرياتـه وقـال

الله يجازيك خير أستاذنـك بأنسـاك وأنسـى الجميـل

مـا للعـذر بيننـا مركـى توقـع لا يطيـح العقـال

والدار لـو تـدري بطيـب الأوادم كـان لاقـت بديـل

لو تابس الهيش ما يابس نخـل ساقيـه رب الجـلال

من مزنة ٍ برقها كنه يدين ٍ بيـض فـي وسـط ليـل

وأنا جبرت الكسور الظاهره وأرضيـت بنـت الخيـال

والماء يزيد ويزيد وكـل منـا فـاض فيـه الصميـل

صح لسانكيابو هاني

صح بدنك يابودحيم
اشكرك على المرور

صح لسانك

وفالك التثبيت يالغالي

صح لسانك

واتمنى لك التثبيت

تقبل مروري ياعزيزي

اشكركم على المرور

صح لسااااااااااااااااانك

اشكرك على مرورك
صح بدنك

صح لسانك

مشكوور على القصيدة

صح بدنك
اشكرك على مرورك